Како машината за лажни вести во Кина ја препишува историјата на COVID 19, дури и во развиток на пандемија

Повторното соопшение од страна на потпаролот на Кинеското Министерство за надворешни работи на статијата во која беа обвинети САД  дека тие го заразуваат Вухан со корона вирус, стана топ вест која се прошири вирално, и беше прегледана дури 160 милиони пати во рок од неколку часови.Но од каде оваа приказна потекнува?

Од ROBERT BOXWELL - SOUTH CHINA MORNING POST

Оваа статија е објавена од POLITICO како дел од партнерство со Утрински вести на Јужна Кина. Првично се појави на scmp.com на 4 Април 2020.

До сега, раната историја на Covid-19 е добро позната, иако не е доразјаснета до детали. Вирусот за првпат беше откриен некаде околу Вухан во провинцијата Хубеи, а потоа се смета дека влегол преку пазарот на големо за морска храна во Хуанан, од каде што заразил многу други. Докторите во Вухан за прв пат го забележаа новиот корона вирус во мецец Декември и почнаа да разменуваат  итни предупредувања за истиот. Органите на локалната самоуправа се обидоа да ги замолчат, па така некои од нив беа приведени и натерани да потпишат документи во кои признаваат дека тие со овие изјави направиле лошо дело.

Во меѓувреме официјалните претставници на Вухан продолжија кон своите бизниси како и обично, која што вклучуваше Лунарен- Новогдишен банкет кој подоцна се испостави како катастофален, и истиот беше посетен од околу 40.000 семејства. Наскоро по ова повеќе илјадници луѓе околу Вухан беа заразени , а стотици други луѓе умираа и имаше многу мртви помеѓу кои се најде и Офталмологот Ли Венлианг  , кој беше казнет затоа што се обидел да го подигне алармот.

Од како сфатија дека ова беше огнената линија не само за водење на нацијата што го активираше светскиот смртоносен вирус, но исто така за игнорирање, прикривање и негирање на неговото ширење. Кинеската Комунистичка партија премина на режим на контрола на штетите. Овие дејствија беа преземени и притоа укажувајќи на тоа дека Соединетите Американски Држави - САД се виновни за вирусот.

Кинеските државни медиуми редовно правеа пропаганда преку Твитер и како што многу ги опишуваат како “лажни вести”. Global Times има 1.7 милиони следбеници на Твитер. China Xinhua News, 12.6 милиони,  People’s Daily, 7.1 милион; China Daily, 4.3 милион; и China Global Television Network (CGTN), 14 милиони.

Жао Лијиан потпарол и заменик генерален директор при оддел на информации на Министерството за Надворешни работи имал 287,000 следбеници кога споделил линк на Твитер кој води до веб страница за заговори, каде се тврди дека САД се одговорни за вирусот.

Потпаролот на Министерството за Надворешни работи Hua Chunying имаше 146,700 следбеници; профилот на “потпаролот” на министерството  користен од страна на Geng Shuang, имал 61,000; и Hu Xijin, главен уредник на Global Times имал 175,000.

Со појава на епидемијата, една од првите работи на научниците и лекарите, дури и додека тие се борат да спасат животи, е да се идентификува нејзиниот извор. Ова е клучно поради потрагата по лекови за борба против вирусот и вакцина со цел да се спречи нејзиното ширење.

На 24 јануари, статија заеднички напишана од страна на 29 Кинески лекари и научници беше објавена во The Lancet едно од светските најпознати медицински списанија  . Авторите ги споделија своите откритија од студии за пациенти за кои се сомневало дека биле заразени со 2019-nCoV и биле примени во болница во Вухан. Во извештајот се вели дека до 2 јануари, 41 од нив биле „лабораториски потврдени“ како заразени со вирусот - што предизвикува „Ковид-19“ - и две третини од заразените биле изложени на пазарот во Хуанан.

Наодите се чини дека ги поддржуваат другите анегдотските докази дека изворот на вирусот е пазарот, кој беше затворен од градските власти на 1 јануари. Ова честопати се повторуваше од Кинеските власти и беше објавено широко во глобалните медиуми. Статијата на “The Lancet” и даде научна валута и вредност на овој наратив.

Потоа, на 19 Февруари друга студија овој пат објавена од ChinaXiv.org,отворена веб страница за складирање и дистрибуција користена од научни истражувачи  упатуваше и сугерираше на тоа дека, пазарот најверојатно не бил почетна точка за вирусот, туку дека истиот е “увезен” од надвор.

Студијата беше изработена од тим на научници од повеќе институции: Тропска ботаничка градина Xishuangbanna на кинеската академија на науките; Земјоделски универзитет во Јужна Кина; и Кинескиот институт за истражување на мозокот. Таа беше ревидирана на 21 Февруари. Ниту една верзија на студијата не посочи дека Ковид-19 не потекнува од Кина.

Но, машината за лажни вести требаше да започне со работа.

На 23 февруари, страницата на англиски јазик на People's Daily препечати статија на „Global Times“ од 22 февруари со наслов, „Јапонскиот ТВ извештај предизвикува шпекулации во Кина дека„ Ковид-19 “можеби потекнува од САД“. Оригиналната статија на „Global Times“, кој веќе не е достапна преку Интернет, започнуваше со: „Извештај од Јапонска ТВ станица во кој се сомневаше дека некои од 14.000 Американци кои починале од грип, можеби без знаење, биле заразени со  коронавирусот”  е вирален на кинеските социјални медиуми, предизвикувајќи стравови и шпекулации во Кина дека новиот коронавирус можеби потекнува од САД.

„Во извештајот, од корпорацијата ТВ Асахи од Јапонија, се сугерира дека Американската влада можеби не успеала да сфати колку неконтролираниот вирус премина на територијата на САД“.

Написот е продолжен како : „Приказната предизвика различни теории на заговор на кинескиот интернет-простор.”

„Воените светски игри се одржаа во Вухан во Октомври. Можеби американските делегати го донеле коронавирусот во Вухан, и се случила некаква мутација на вирусот, што го прави повеќе смртоносен и заразен и предизвикува широко да се распространи оваа појава годинава “, корисник објавил на кинескиот„ Твитер “, и Вибо

„[Еден] професор по меѓународни односи на универзитетот„ Фудан “со седиште во Шангај, истакна дека глобалните виролози работат на следење на потеклото на вирусот, вклучително и разузнавачките агенции . Граѓаните се охрабруваат активно да учествуваат во дискусиите, но по можност на рационален начин “.

Оригиналниот напис на „Gobal Times“ се чини дека е заменет со еден кој беше во врска со негирањето на извештајот на TV Asahi  во врска со Центрите за контрола на болести и превенција во САД.

На 4 март, секојдневното препечатување на the People’s Daily на овој напис беше искористенo како основа за делото објавено на веб-страницата на заговор GlobalResearch.ca, под наслов „Коронавирусот на Кина: Шокантно ажурирање. Дали вирусот потекнува од САД? “ Тоа беше првиот од двата написи на веб-страницата што може да доведат до твитот на Zhao, девет дена подоцна, посочувајќи дека Aмериканската армија го донесе вирусот во Вухан.

Написот од 4 март започнува: „Западните медиуми брзо ја презедоа сцената и го објавија официјалниот наратив за избувнување на новиот коронавирус, кој се чинеше дека започна во Кина, тврдејќи дека потекнува од животни на влажен пазар во Вухан“.

Ова испушта неколку преостанати факти: дека кинеските медиуми контролирани од државата исто така го изложија официјалниот наратив“, дека новинарите го добиле тој наратив од страна на Кинеската влада,и дека во раните денови на избувнувањето повеќето докази, вклучително и написот на Лансет од 29 кинески лекари, го посочиле пазарот во Вухан.

Статијата на Глобалното истражување продолжува: „Всушност, потеклото беше долго време непознато, но се чини веројатно сега, според Кинеските и Јапонските извештаи, дека вирусот потекнува од друго место, од повеќе локации, но започна да се шири широко само откако беше запознат со пазарот.

„Уште повеќе, се чини дека вирусот не потекнува од Кина и, според извештаите во Јапонските и други медиуми, можеби потекнува од САД“.

Статијата потоа презентира поднаслов кој гласи „можеби потекнува од САД“ на „Кинеските истражувачи заклучуваат дека вирусот потекнува надвор од Кина“. Под него, тој цитира два извештаи - напис од 22 февруари во Global Times и напис од 23 февруари во CGTN - и за студијата ChinaXiv, која не сугерираше дека вирусот потекнува надвор од Кина.

Но, Global Research сакаше читателите да го извлечат заклучокот тоа и го сторија, и така создадоа неколку точки за да бидат поврзани: „Кинеските медицински власти – и ”разузнавачките агенции “- потоа спроведоа брза и широка потрага по потеклото на вирусот, собирање скоро 100 примероци на геном од 12 различни држави на 4 континенти, идентификувајќи ги сите сорти и мутации. За време на ова истражување, тие утврдиле дека појавата на вируси започнала многу порано, веројатно во Ноември, кратко време по Воените игри во Вухан.

„Потоа дојдоа до истите независни заклучоци како и Јапонските истражувачи - дека вирусот не започна во Кина, туку беше воведен таму однадвор“.

Тоа не беше „заклучокот“ на научниците кои ги објавија своите истражувања на ChinaXiv.

Следно, повикувајќи се на приказна од 27 февруари за „ Xinhuanet, “, Глобалното истражување го повика Кинескиот национален херој, Zhong Nanshan кој ја водеше борбата да содржи сериозен акутен респираторен синдром во 2003 година. „Најдобриот кинески специјалист за дишење Zhong Nanshan на 27 јануари кажа…“ Ковид-19“  иако за прв пат е откриен во Кина, не значи дека потекнува од Кина “.

Global Research го преведува ова за своите читатели: „Но, тоа на кинески значи - потекнува од друго место, во друга земја“.

Zhong не го кажа тоа. Ниту Xinhuanet. А „Јапонски истражувачи“ на Global Research никогаш не се идентификуваат. Единствената референца од јапонски извор е: „Во Февруари 2020 година, јапонскиот весник„ Асахи “(печатена и ТВ) тврди дека коронавирусот потекнува од САД, а не во Кина.

Global Research не нуди линк-врска до Asahi, само врска до статијата на 23 People’s Daily, кој исто така нема врска oд Asahi, но беше препечатување на приказната за Global Times, која е ревидирана на 22 Февруари, и исто така не дава врска на Аsahi.

Интернет-пребарувањето за „Asahi вести за коронавирусот потекнува од САД“ од 1 до 29 Февруари не открива линк-врска до каква било статија на Аsahi. Ниту еднo пребарување по веб-страницата на Аsahi, во која резултираат 688 статии со зборот „коронавирус“ до 4 март. Но, не и оваа.

Глобалното Истражување, исто така, го цитираше излагањето од страна на универзитетот „Фудан“ во „Глобал тајмс“: „[Професорот] изјавил дека глобалните виролози, вклучително и разузнавачките агенции, го следат потеклото на вирусот. Исто поради интерес Кинеската влада не ја затвори вратата за ова. Во извештајот се вели:  Граѓаните се охрабруваат активно да учествуваат во дискусиите, но по можност на рационален начин“.

„Во Кина, тоа е значајно. Ако извештаите беа ѓубре, Владата јасно ќе го каже тоа и ќе им рече на луѓето да не шират лажни гласини “.

Конечниот дел од „доказите“ во написот на Global Research на 4 март е насловен „Тајвански Виролог сугерира на тоа дека коронавирусот потекнува од САД“, и вклучува видео од една телевизиска емисија во Тајван, идентификувана како Ова! Не се вести, и слика на екран од човек кој со покажувач држи предавање за потеклото на вирусот. Мажот во видеото е врвен виролог и фармаколог, кој извршил долга и детална потрага по изворот на вирусот“, тврди статијата.

Само што човекот во видеото - кого извештајот не го именува - воопшто не е виролог. Тој е политичар од новата партија за про-Пекинг и член на Градскиот совет на Тајпеј, кој пред да влезе во политиката со полно работно време во 2002 година, беше професор по фармакологија.

Видеото започнува со вовед од човек во екипажот, кој зборува за Кина и Русија и Грузиските дезертери кои носат Американски тајни на биоразвојување и комарци и лилјаци што ги развиле САД за дијаболични цели. Додека тој зборува, виолетовите ликови со големина на таблоиди се движат по дното на екранот, прободени со прашалници и извичник и еден Англиски акроним  кој секој теоретичар на заговор низ целиот свет го знае: „ЦИА!“

Опфаќањето на неговата изведба е анализа од 1981 година, за која се тврди дека ја извршила Американската армија, која покажала привлечност на „ентомолошка борба“ на Американската армија и Американските даночни обврзници: 50% од градот со 1,2 милиони луѓе би можеле да бидат избришани во цена по труп од 29 центи.

Следно, „човекот во видеото“ забележува дека, додека човекот со екипажот разговарал во однос на геополитиката во стилот на Студената војна, каде што сите стравуваат и ги мрази сите други, тој е таму само да разговара за науката. Потоа, тој мавта со покажувач со пластичен жолт показалец на врвот, означувајќи дијаграми на разнобојни кругови. Како што најсложениот дијаграм пристигнува на екранот, тој ја уверува водителката на шоуто, „Следниот слајд ќе го направи тоа многу јасно“.

Таков беше „експертски доказ“ на Тајван на Global Research. Неиздржан, написот продолжува: „Тајванскиот доктор тогаш изјави дека избувнувањето на вирусот започна порано отколку што се претпоставуваше, велејќи:„ Мора да гледаме до септември 2019 година “.

„Тој изјави за случајот во септември 2019 година кога некои Јапонци отпатуваа на Хаваите и се вратија дома заразени, луѓе кои никогаш не биле во Кина. Ова беше два месеци пред инфекциите во Кина и веднаш откако CDC ненадејно и целосно ја затвори лабораторијата за био-оружје Форт Детрик, тврдејќи дека објектите биле недоволни за да се спречи загубата на патогени. “

Воведувањето на лабораторијата за био-оружје на американската армија Форт Детрик е цврсто парче на занаетчиството за теорија на заговор. „Човекот во видеото“ не го спомна Форт Детрик – тоа го направи Global Research, во очигледен обид да ги врзува тајвајските „виролошки“ јапонски патници кои ја посетија Хаваи во Септември со лабораторија за Американски био-оружја на армијата на САД.

Објектот Форт Детрик не беше „одеднаш и тотално затворен“ - го прекина истражувањето кон средината на Jули (а не во Септември). И како еден од најзаразни вируси во историјата патувал од Мериленд до Хаваите во период од шест до осум недели, не оставајќи трага од болест и смрт, не е анализирано од Global Research.

За добра мерка, статијата се затвора со наведување на шест епидемии во 2018, 2019 и 2020 година на „пандемии“ кои „заболеле“ и „убиле“ луѓе, кокошки и свињи во Кина. Секоја од нив вклучува белешки како што се, „Кина треба да набави Американски земјоделски производи“, што сугерира дека како дел од трговската војна, САД повеќе од две години лансираат патогени микроорганизми на нивна територија со цел да ја натера Кина да купи Американски производи.

Во краток преглед, статијата од 4 март го повикува херојот на копното, Zhong, “Јапонците“ и “Тајванецот“ - двајца Aмерикански сојузници без причина да лажат - и ги додава „ЦИА“ и протечената лабораторија за истражување зачини на „ЦИА“ и САД. Сите независни и никој навистина не ги потврдува другите додека се чини дека се приближуваат. Можеби најимпресивно од сè, авторот изработил скоро 2.000 зборови од Америка, а ниту еден од нив не бил „Трамп“

На 5 март, без да го цитира делото на Global Research на 4 март или кој било од основните статии на кинеските медиуми, Zhao твитна: „Потврдените случаи на # COVID19 за прв пат се пронајдени во Кина, но неговото потекло не мора да биде нужно во Кина. Сè уште го следиме потеклото. “

На 11 март, Global Research објави продолжение: „СОVID-19: Дополнителни докази дека вирусот потекнува од САД“.

Приказната започнува со привлекување на статијата од 4 март, дополнување на никогаш не пронајдените Јапонски радиодифузери Asahi  и „човекот во видеото“ на „Јапонски и Tајвански епидемиолози и фармаколози [кои] утврдиле дека новиот коронавирус можел да потекнува од САД “. „Човекот во видеото“ сега исто така беше „лекар“ и „научник“.

Потсетувајќи се на неговиот обид да го смести првиот случај „Ковид-19“ во САД, Global Research повторно посочува дека „непосредно пред тоа, CDC целосно ја затворил главната био-лабораторија на Американската војска во Форт Детрик, Мериленд, поради отсуство на заштитни мерки против истекување на патогени, потоа следува издавање на целосна наредба „прекин и откажување“ на војската “.

Како доказ, Global Research објави слика од насловот на 5 август на New York Times, „Смртоносно истражување на микроорганизми е затворено во лабораторијата на Армијата за безбедносните проблеми. “Проблемите со отстранување на опасни материјали ја натераа владата да ги прекине истражувањата во водечкиот воен центар за биолошка заштита “.

Всушност, статијата во New York Times не изјави дека центарот бил „целосно затворен“.Во извештајот било пријавено дека 900 луѓе работеле во објектот и: „Иако многу проекти се во мирување, [портпаролката на објектот] рече дека научниците и другите вработени продолжуваат да работат, само не на избрани агенти“. И двата, New York Times и локалниот весник што првпат го објавиле престанок на истражувањето, истакнаа дека ниту еден патоген не избегнал од објектот.

Приказната на Global Research на 11 март продолжува: Имавме Јапонски граѓани  заразени во Септември 2019 година, на Хаваи, луѓе кои никогаш не биле во Кина, овие инфекции се случуваат на Американско тло долго пред појавата во Вухан, но само кратко време по заклучување на Форт Детрик.

“Тогаш, на Kинеските социјални медиуми се појави друг напис, имајќи ги во предвид горе наведените, но презентирајќи и дополнителни детали. Делумно се наведува дека пет странски спортисти или друг персонал во посета на Вухан на Светските воени игри (18-27 октомври 2019 година) биле хоспитализирани во Вухан заради неопределена инфекција”.

„Тој друг напис е блог на Кинеските социјални медиуми, идентификуван само со QR-код, кој започнува: “Бидејќи има толку многу американски кучиња во последно време, размислувајќи за безбедноста на мојата сметка, [морам да напишам] “некоја земја или" М земја "[кога се однесува на Америка]

Записот на блогот, кој се чинеше дека е дело во тек и повеќе не е на Интернет, рециклираше голем дел од написот на Global Research од 4 март, додавајќи слики од локални вести за Американски воени лица во Вухан за Октомвриските воени игри кои беа хоспитализирани.

Според Global Research: “Статијата појасно објаснува дека верзијата на Вухан вирусот може да доаѓа само од САД затоа што тоа е она што го нарекуваат„ гранка “што не би можела да се создаде прво затоа што не би имало„ семе “. Мораше да излезе нова сорта надвор од оригиналното „стебло“ и тоа стебло постои само во САД “.

Така и беше ... Објава на „Кинеските социјални медиуми “ за“„странски“ спортисти или друг персонал во посета на Вухан на Светските воени игри “во Октомври го заврши патувањето на заговорот. Светот на лажни вести го препиша потеклото на „Ковид-19“: тоа не се должи на катастрофална природна појава некаде во или околу Вухан, како што верувале светските научници, туку на био-заштитното оружје донесено на Вухан од страна на Американската армија.

На крајот од својата статија на 11 март, Global Research се врати во Јануари, наведувајќи две статии во магазинот Science за понатамошни „докази“ за нејзиниот заговор - каде ниту еден од нив не наведува дека потеклото на вирусот не било, како што вели Global Research „Не во Вухан “- врзувајќи машна околу пакетот на Zhao, кој наскоро ќе се пренасочи до стотици илјади, кое потоа ќе се пренасочи кон стотици милиони други.

Утрото на 13 март, Zhao ги објави врските на Твитер со написите за Global Research: „Оваа статија е многу важна за секој од нас. Ве молиме, прочитајте и споделете ја. КОВИД-19: Дополнителни докази дека вирусот потекнува од САД. Би било корисно да го прочитате овој претходен напис за позадина: Коронавирус во Кина: Шокантно ажурирање. Дали вирусот… ”

Проследено со: “Само неколку минути за да прочитате уште една статија. Ова е зачудувачки што успеа да смени многу работи во кои претходно верував. Ве молиме споделете за да повеќе луѓе дознаат за ова. Коронавирус во Кина: Шокантно ажурирање. Дали потекнува вирусот од САД? - Global Research: Западните медиуми брзо го објавија официјалниот наратив за избувнување на COVID-19 кој се чинеше дека започна во Кина ... “

До доцна попладнето, South China Morning Post извести објави дека темата за хаштагот “Zhao Lijian испрати пет последователни твитови со кои ги испрашува САД“ беше прегледана повеќе од 4,7 милиони пати на Weibo. Дванаесет часа подоцна, The New York Times објави дека е видено повеќе од 160 милиони пати.

Следбениците на Твитер на Zhao се зголемија од 287.000 на повеќе од 500.000. Медиумите ширум светот споделуваа приказни за неговите твитови, ставајќи ги пред повеќе милиони читатели, од кои повеќето никогаш и не би ги виделе на Twitter или Weibo. Лажните вести за вируси станаа вирални.

Во Oктомври, Комитетот за разузнавање во Сенатот  забележа во првиот ред од својот извештај за користењето на социјалните медиуми од страна на Русија за мешање на претседателските избори во 2016 година, дека „информатичкото војување е дизајнирано за ширење на дезинформации и социјална поделеност“. Твитови на Zhao ги остварија и двете. Дезинформацијата беше очигледна. Критичко размислување во непокор, многу луѓе ќе поверуваат во тврдењето дека Американската армија го засадила COVID 19 во Вухан, уште повеќе ќе сакаат тоа да биде вистина.

Кога претседателот Доналд Трамп, државниот секретар Мајк Помпео и другите започнаа да се борат со тоа што гласно и постојано го нарекуваа COVID-19 „кинески вирус“, се зголеми социјалната поделба во САД, ако тоа е возможно. Медиумите го обвинија Трамп дека е расист и ксенофобик и дека поттикнува повеќе кон кинеско-американците. Ова само предизвика Трамп да го каже погласно и почесто.

Некој се прашува колку долго ќе продолжи Вашингтон во борбата против информатичката војна против Пекинг со една рака врзана зад грб. Кинеските медиуми уживаат во слободно водење на САД, вклучително и на Твитер. Додека САД немаат таква слобода во Кина.

Неколкумина експерти во овие изминативе неколку недели предвидоа дека Ковид-19 ќе стави крај на глобализацијата, или дури и „животот како што го знаеме“. Ова изгледа малку веројатно, со оглед на краткотрајната природа на сеќавањата на луѓето и колку бил профитабилен „животот како што го знаеме“ за толку многу луѓе. Но, со оглед на твитовите на Zhao поради немирот што го предизвика, деновите на Пекинг на Твитер би можеле да се веќе одброени.

Превод и адаптација Рената Нацковска