A e kam pasur unë koronavirusin?

Burimi: The Guardian

Link

Data: 23/04/2020

Читај

A e kam pasur unë koronavirusin?

Simptomat e Covid-19 ndryshojnë shumë, përhapja në shumë shtete të ndyshme nënkupton se shumë njerëz mund ta kenë kaluar koronavirusin edhe pa u testuar pozitivë.

A është e mundur të zbulohet dhe si duhet të silleni nëse mendoni se mund të keni qenë të infektuar?

1. A ka ndonjë mënyrë për të kuptuar nëse dikush ka pasur Covid-19 në të kaluarën?.

Dr William Hillmann: Testet e antitrupave janë duke u zhvilluar, por ende nuk janë në përdorim të gjerë. Testimi i antitrupave do të na lejonte të kontrollonim mostrat e gjakut për antitrupat kundër koronavirusit për të treguar nëse dikush e ka pasur atë.

2.  A mund të kem qenë e infektuar dhe të mos kem shfaqur simptoma?

Dr William Hillmann: Coronavirus është në të vërtetë një spektër i konsiderueshëm i simptomave, nga njerëzit që janë plotësisht asimptomatikë (nuk shfaqin shenja) dhe nuk do ta kishin idenë se ato e kanë virusin, deri  te njerëzit me simptoma shumë të buta si ftohje, hundë, dhimbje të fytit – te njerëzit me më shumë simptoma të ngjashme me gripin – ethet e larta, dhimbjet e muskujve, gulçim dhe kollë. Humbja e nuhatjes dhe shijes janë gjithashtu simptoma. Deri tek njerëzit me sëmundje të rëndë, të cilët ne po i shohim në spital me vështirsi të frymëmarrjes.

3. A janë njerëzit asimptomatikë infektues?                                  

Dr William Hillmann: Një pjesë e konsiderueshme e njerëzve që janë plotësisht asimptomatikë janë infektues për një pjesë të kohës. Ne thjesht nuk e dimë, sepse ne nuk kemi llojin e testimeve në dispozicion për të kontrolluar për infeksione asimptomatike.

4. A duhet të sillet dikush ndryshe nëse mendon, por nuk e di me siguri, se e ka pasur virusin?

Dr David Buchholz: Të gjithë duhet të jemi shembull. Nëse ne jemi të gjithë bashkë, të gjithë duhet të mbajmë distancën sociale.

Dr William Hillmann: Meqenëse nuk ka asnjë mënyrë të vërtetë për të ditur në këtë pikë se kush mund ta ketë pasur atë, përveç nëse jeni simptomatik. Vazhdoni të bëni të gjitha ato gjëra që ne duhet të bëjmë të gjithë në këtë pikë: distancimi shoqëror dhe higjena e duarve. Unë mendoj se vendosja e maskave në publik është një rekomandim i arsyeshëm bazuar në atë që dimë në lidhje me spektrin e gjerë të simptomave, dhe faktin që njerëzit mund të jenë asimptomatikë dhe mund të shpërndajnë virusin.

5. Nëse mendoj se mund ta kem pasur virusin, a kam ndonjë detyrim etik t’u tregoj njerëzve me të cilët kam kontaktuar? Edhe nëse në të vërtetë mund të ketë qenë thjeshtë një ftohje?

Dr William Hillmann: Varet nga çdo individ për atë që ata mendojnë se është e drejtë. Por me rritjen e infeksioneve që ne po shohim në vende si New York, nëse ishit simptomatikë në një moment, por nuk u testuat, dhe keni qenë në kontakt të ngushtë me dikë, mendoj se duhet t’i thoni.

6. Nëse e kam pasur një herë COVID19, a mund të infektohem përsëri?

Buchholz: Nuk ka asnjë provë që dikush që e ka marrë virusin më shumë se një herë. Dikush me një sistem imunitar normal që mund të reagojë ndaj virusit dhe të bëhet më i fortë duhet të ketë imunitet për shumë kohë, të paktën një vit, në mos gjatë gjithë jetës.

Video shpjegim – A mundet të ri-infektohemi nga COVID19?

(Ka pasur raportime nga Kina që thonë se disa persona kanë dalë pozitivë në testin e COVID19 për herë të dytë. Shumica e shkencëtarëve mendojnë se kjo çështje ka të bëjë me pasaktësinë e testimit dhe jo që njerëzit kanë dy raste të veçanta të sëmundjes).

Përshtati: Shefkije Alasani

Copyright © Myth Buster.

A project by Democracy Lab

Ky projekt është i mbështetur me grant nga Ambasada e SHBA-ve. Mendimet, zbulimet dhe konkluzionet ose rekomandimet e paraqitura këtu janë të implementuesve/autorëve dhe nuk i reflektojnë domosdoshmërisht ato të Qeverisë së SHBA-ve.